يا رقيق المشاعر

يا رقيق المشاعر .. وين ذاك الحنان ..؟!

ليه ما شلت قلب .. طاح قدام عينك ..؟!

الزمن هو زمانك و المكان .. المكان ..

وآخر الشعر كلمة .. تسألك عنك وينك ..؟!

من تقهويت صوتك سولف الزعفران ..

عاد وشلون فنجان لي تمده بيدينك ..

تذكر شلون كنا ..؟! والزمن كيف كان ..؟!

يوم لا غبت عنك ما أسمع إلا ونينك ..

أشعر بخوف مدري كنت أحس بأمان ..

يكفي إن جيت يمك طار فيني حنينك ..

شكثر كنت وافي وأقرب الناس خان ..

بس تكفيك حتى لو عيوني تدينك ..

كان عمري بقربك تالي الوقت زان ..

حتى جرد القصايد ربعت في يدينك ..

طول عمري وأنا له ويذرى عالهوان ..

شفت يومك بعيني منهو يقدر يهينك ..

أذكر أني نسيتك وأذكرك من زمان ..

وأذكر أني ضحية بين قلبي وبينك ..

تدري وش جابني لك ..؟! لا تقول الحنان ..

جيت بأشيل قلب .. طاح قدام عينك ..

موضوع: شكر خاص الثلاثاء يوليو 01, 2008 4:39 am

يعطيكي العافية على هالكلمات الجميلة وبنتظار المزيد

ودمتي بألف خير

مع تحيات:

الكنترول

عدد الرسائل : 176 تاريخ التسجيل : 29/06/2008

من جد كلامات ولا اروع
يعطيكي العافيه على الابيات
ونرويد المزيد منها
وشكرا تفبلو مدير نقطه التفتيش

يعطيكي ألف عافية أختي ستاايل على الكلمات الجميلة

تقبلي مروري